យុទ្ធនាការរកយុត្តិធម៌ករណីឃាតកម្ម លោក ឈុត វុទ្ធី៖ កូនខ្មែរមិនភ្លេចលោកទេ ទោះកន្លងផុត៩ឆ្នាំ

សកម្មជនបរិស្ថានលោក ឈុត វុទ្ធី បានចុះពិនិត្យឧទ្យានជាតិបុទុមសាគរក្នុងខេត្តកោះកុងកាលពីថ្ងៃទី២១ ខែកុម្ភះ ឆ្នាំ២០១២។ ខេមបូចា/ ព្រីង សំរាំង

កាលពីថ្ងៃចន្ទ អង្គការសង្គមស៊ីវិលបានលើកឡើងថា រដ្ឋាភិបាលត្រូវតែបញ្ចប់និទណ្ឌភាពនិងស្វែងរកយុត្តិធម៌ពិតប្រាកដជូនលោក ឈុត វុទ្ធី ដែលត្រូវបានបាញ់សម្លាប់ស្របពេលលោកកំពុងស៊ើបអង្កេតការកាប់ឈើខុសច្បាប់កាលពីឆ្នាំ២០១២ ខណៈរូបភាពប្រូហ្វាលហេ្វសប៊ុកត្រូវបានគេប្តូរ ដើម្បីសម្តែងការគោរពចំពោះសកម្មជនបរិស្ថានដ៏ល្បីល្បាញរូបនេះ អំឡុងខួបគម្រប់៩ឆ្នាំនៃមរណភាពរបស់លោក។