អង្គការឃ្លាំមើលសិទ្ធិមនុស្សព្រួយបារម្ភពីសិទ្ធិឯកជនភាពជុំវិញប្រព័ន្ធ QR Code ដើម្បីទប់ស្កាត់ជំងឺកូវីដ១៩

ស្រ្តីម្នាក់ស្កែន QR Code នៅពេលចូលផ្សារមួយនៅក្រុងភ្នំពេញ កាលពីថ្ងៃទី០៦ ខែមេសា ឆ្នាំ២០២១។ ខេមបូចា/ព្រីង សំរាំង

អង្គការ​ឃ្លាំមើលសិទ្ធិ​មនុស្ស ​(HRW) ដែលមាន​មូលដ្ឋាន​នៅ​ក្រុង​ញូវយ៉ក​ បាន​និយាយ​ថា ប្រព័ន្ធ​តាមដាន​ឌីជីថល​ «បញ្ឈប់​ជំងឺ​កូវីដ១៩​ QR Code » របស់​រដ្ឋាភិបាល​កម្ពុជា «បង្ក​ឲ្យ​មាន​ការ​ព្រួយបារម្ភ​ធ្ងន់ធ្ងរ​ពី​ឯកជនភាព និង​សិទ្ធិ​មនុស្ស​ដទៃ​ទៀត»។ អង្គការ​នេះ​​បាន​ជំរុញ​ឲ្យ​មាន​ការ​ប្រើប្រាស់​នូវ​វិធានការ​មិន​សូវ​ប៉ះពាល់​ដល់​ឯកជនភាព​ផ្សេង​ទៀត ស្រប​ពេល​កម្ពុជា​កំពុង​ទប់ស្កាត់​រលកថ្មី​នៃ​ការ​ឆ្លង​ជំងឺ​កូវីដ១៩។