ប្រជាពលរដ្ឋខ្មែរ ដែលមានវ័យមិនលើសពី ៦០ឆ្នាំ បានម្នីម្នានាំគ្នាចុះឈ្មោះយកបណ្ណសមាជិក នៃបេឡាជាតិសន្តិសុខសង្គម ហៅកាត់ ថា ប.ស.ស ដើម្បីទទួលបានសេវា ថែទាំឬធានារ៉ាប់រងសុខភាពរបស់ពួកគាត់ ។
ការដែលប្រជាពលរដ្ឋស្ទុះស្ទាររូតរះចុះឈ្មោះយកបណ្ណ ប.ស.ស គឺខណៈដែលរដ្ឋាភិបាលកំពុងតែពង្រីកវិសាលភាព នៃការផ្តល់បណ្ណ និងបានប្រកាសដាក់ឱ្យអនុវត្តនូវគម្រោងសាកល្បងរបបថែទាំសុខភាពសម្រាប់បុគ្គលស្វ័យនិយោជន៍ឬអ្នកប្រកបរបរទទួលទានដោយ ខ្លួនឯង ។
បើគិតត្រឹមថ្ងៃទី២៩ ខែសីហា ឆ្នាំ២០២៣ ចំនួនសមាជិកសរុបបានកើនដល់ជិត២លាននាក់ (១លាន ៩សែន ៨ម៉ឺន ៥៩៤ នាក់) ។
