សមាគមសម្ព័ន្ធអ្នកសារព័ត៌មានកម្ពុជា

ពលរដ្ឋស្នើសុំអាជ្ញាធរពន្លឿនក្នុងការជួសជុលផ្លូវដែលខូចក្នុងក្រុងបាត់ដំបង

ផ្លូវខូចជាច្រើនកន្លែង នៅក្នុងក្រុងបាត់ដំបង។ រូបថត៖ សុខ មន្នីនាថ
ផ្លូវខូចជាច្រើនកន្លែង នៅក្នុងក្រុងបាត់ដំបង។ រូបថត៖ សុខ មន្នីនាថ
Share on facebook
Share on twitter
Share on linkedin
Share on telegram
Share on whatsapp

ប្រជាពលរដ្ឋ​រស់នៅក្នុង​ក្រុងបាត់ដំបងស្នើសុំឲ្យអាជ្ញាធរ​ខេត្តពន្លឿនក្នុងការជួសជុលផ្លូវដែលខូចខាត​​ជា​ច្រើន​កន្លែង ដែលធ្វើឲ្យប៉ះពាល់ដល់ការធ្វើដំណើររបស់ពលរដ្ឋនៅក្នុងរដូវភ្លៀងធ្លាក់។

ពលរដ្ឋម្នាក់ដែលសូម​មិនបញ្ចេញឈ្មោះ​បានលើកឡើងថា ផ្លូវក្នុងក្រុងមានការខូចខាតច្រើន។ អាជ្ញាធរបានជួសជុលខ្លះហើយ ប៉ន្តែ​នៅចំណុចខ្លះទៀតមិនទាន់​ធ្វើនៅឡើយ ដោយសារ​ផ្លូវមានសំបុកមាន់ច្រើនពិបាកធ្វើដំណើរ។ ផ្លូវដែលលំបាកនោះ មាន​ដូចជា ចំណុចភ្លើងស្តុបច្រមុះជ្រូក ទៅសាលាឌូវី និង ផ្លូវភ្លើងស្តុបទៅសួន និង ផ្លូវមុខភូមិភាគ៥ជាដើម។

ពលរដ្ឋបានលើកឡើងថាផ្លូវកន្លែងខ្លះយឺតយ៉ាវក្នុងការជួសជុល គឺឈូសឆាយហើយ ទុកចោលមិនទាន់បន្តចាក់កៅស៊ូឡើងវិញ ដែលធ្វើឲ្យហុយ ប៉ះពាល់ដល់អ្នកធ្វើដំណើរ ដូចជាផ្លូវទៅវាលស្រែ១០០ និង ផ្លូវមុខវត្តពោធិ៍វង្សជាដើម ។

លោក ផេង រ៉ា អនុប្រធានមន្ទីរសាធារណៈការនិងដឹកជញ្ជូន មានប្រសាសន៍នៅក្នុងកម្មវិធីសន្ទនាមតិ នាថ្ងៃទី២៨ខែមេសា២០២២ កន្លងមកថា បច្ចុប្បន្ននេះមន្ទីរបាន ដាក់កម្លាំងពីរក្រុម ដើម្បីធ្វើការលុបសំបុកមាន់ក្នុងក្រុង ដោយលោកអះអាងថាប៉ុន្មានថ្ងៃទៀត ផ្លូវសំបុក មាន់នឹងអស់ មិនឲ្យមាននោះទេ។

ឆ្លើយតបនឹងការលើកឡើងនេះ លោក សុង សឿង មន្រ្តីទទួលបន្ទុកសាធារណៈការក្រុងបាត់ដំបង បានមានប្រសាសន៍នៅក្នុងកម្មវិធីសន្ទនាមតិ ដែរថា ដោយសារអា​កាស​ធាតុ ផ្លូវថ្នល់ក្នុងក្រុងបាត់ដំបងបានរងការខូចខាតជាច្រើនកន្លែងមិនអាចធ្វើលឿនបានទេ ព្រោះកម្លាំងមានចំនួនតិច ហើយកញ្ចប់ថវិកាមានកំណត់ផងដែរ។

លោកបន្ថែមថា ផ្លូវខាងលើ បានឈូសឆាយធ្វើគ្រឹះអស់ហើយ នៅតែចាក់កៅស៊ូប៉ុណ្ណោះ តែវាទាមទាពេលវេលា មិនអាចធ្វើលឿនបានទេ។

23 views
Share on facebook
Share on twitter
Share on linkedin
Share on telegram
Share on whatsapp
កំណត់សម្គាល់៖ អត្ថបទនេះត្រូវបានផលិត និងកែសម្រួលដោយក្រុមការងាររបស់ Internews។ ខេមបូចា ពុំទទួលខុសត្រូវចំពោះអត្ថន័យ និងខ្លឹមសារ ក្នុងអត្ថបទដែលផលិតដោយពលរដ្ឋសារព័ត៌មាននោះទេ។