អន្តរជាតិ

ប្រទេសឡាវ ​មាន​កង្ហារផលិត​​អគ្គិសនី​ ចំនួន ១៣៣ ដើម នៅជ្រលងជួរភ្នំភាគខាងត្បូង។  ជាមួយ​សមត្ថភាពផលិត​ចរន្ត​អគ្គិសនី​ ៦០០ មេហ្គាវ៉ាត់  ឡាវ​បាន​ក្លាយ​ជា​មជ្ឈមណ្ឌល​ផលិត​ថាមពល​ដើរដោយ​កម្លាំង​ខ្យល់ ដ៏​ធំជាងគេមួយ​ នៅ​តំបន់​អាស៊ីអាគ្នេយ៍​។ គម្រោងផលិត​ភ្លើងអគ្គិសនីដោយ​ថាមពលវាយោនេះ  កំពុង​ដើរតួ​សំខាន់​ជំនួស​វារីអគ្គិសនី។

អាជ្ញាធរ​វៀតណាម​បាន​រៀបចំ​ពិធី​បុណ្យ​សព​ឲ្យ​ទាហាន​ចំនួន ៧៣១នាក់​នៅ​ថ្ងៃពុធ ទី ១៤ តុលា ក្នុង​ទីក្រុង​ហូជីមិញ។ សព​ទាហាន​ដែល​បាន​បាត់ខ្លួន​ក្នុង​សង្រ្គាម​ទាំង​នេះ ​ត្រូវ​បាន​ជីក​កកាយ​យក​ចេញ​ពី​ផ្នូរ​ដាច់ដោយឡែក និង​ពី​រណ្តៅ​បញ្ចុះ​សព​រួម​នៅ​ក្នុង​សួនច្បារ​មួយ​ស្ថិត​ក្នុង​ទីក្រុង​ហូជីមិញ។ ប្រតិបត្តិការ​នេះ​មាន​គោលដៅ​ស្វែង​រក​អត្តសញ្ញាណ​សព​ទាហាន​ទាំង​នោះ​ ដែល​បាន​ស្លាប់​តាំង​ពី​ច្រើន​ទសវត្យរ៍​នៅ​ក្នុង​សង្រ្គាម​ជាមួយ​បារាំង និង​អាមេរិក។

កម្ពុជា​បាន​ចូលរួមជាមួយសហភាពអឺរ៉ុបដើម្បីគាំទ្រការរក្សាដែនសមុទ្រអន្តរជាតិឱ្យបើកចំហ​ និងអនុញ្ញាតឱ្យនាវាឆ្លងកាត់ដោយសេរី ស្របតាមច្បាប់អន្តរជាតិ។ នេះបើយោងតាមសហភាពអឺរ៉ុបនៅថ្ងៃទី១៤ ខែតុលា និងថា កិច្ចសហការនេះមានគោលបំណងការពារពាណិជ្ជកម្មអន្តរជាតិ ខណៈការបិទផ្លូវសមុទ្រ ឬការគិតថ្លៃឆ្លងកាត់អាចប៉ះពាល់ដល់សេដ្ឋកិច្ច ពាណិជ្ជកម្មអន្តរជាតិ និងធ្វើឱ្យទំនិញឡើងថ្លៃ។

​មនុស្សយ៉ាងហោច ៨២នាក់ ស្លាប់ និងច្រើននាក់ទៀត បាត់ខ្លួនកប់ក្នុង​អណ្តូងរ៉ែមាស ព្រោះតែការរលំបាក់ដីអណ្តូងរ៉ែមាស នៅប្រទេសស៊ូដង់។ ស៊ូដង់ជាប្រទេសធំទី៣នៅទ្វីបអាហ្វ្រិក និងដែលកំពុងរងគ្រោះពីសង្គ្រាមស៊ីវិលដ៏រ៉ាំរ៉ៃ។ រ៉ែមាសជាប្រភពចំណូលដ៏ចម្បងដែលពួកទាហាន និងពួកប្រដាប់អាវុធ ជាគូសត្រូវទាញផល កេងចំណេញ ដើម្បីបំប៉នភ្លើងសង្គ្រាម។ ​

ក្រុមហ៊ុន ហាយ-ថេក អឺភែរឹល ដែលមានអ្នកគ្រប់គ្រងជាជនជាតិថៃ បានប្រកាសផ្អាកដំណើរការសកម្មភាពអាជីវកម្ម និងផលិតកម្មទាំងស្រុងនៅថ្ងៃទី៣១ ខែសីហា ឆ្នាំ២០២៦ខាងមុខ ដោយព្រមទាំងផ្តល់ប្រាក់បំណាច់បញ្ចប់កិច្ចសន្យាការងារដល់កម្មករនិយោជិត។ នេះបើតាមសេចក្តីជូនដំណឹងនៅថ្ងៃទី២១ ខែកក្កដា ឆ្នាំ២០២៦។ មន្ត្រីអង្គការសង់ត្រាល់បញ្ជាក់ថា នេះជារោងចក្រទី២ហើយនៅក្នុងតំបន់សេដ្ឋកិច្ចពិសេសប៉ោយប៉ែតអូរនាងដែលប្រកាសបិទទ្វារចាប់តាំងពីមានជម្លោះព្រំដែនកម្ពុជា-ថៃ។