រាជធានីភ្នំពេញស្ថិតក្រោមបម្រាមគោចរ ខណៈករណីឆ្លងCovid-១៩ និងស្លាប់កើនឡើង

អតិថិជននៅមុខហាងកាហ្វេមួយនៅទីក្រុងភ្នំពេញ មុនបម្រាមគោចរចាប់ផ្តើមនៅថ្ងៃទី១ ខែមេសា ឆ្នាំ២០២១។ខេមបូចា/ ព្រីង សំរាំង
អតិថិជននៅមុខហាងកាហ្វេមួយនៅទីក្រុងភ្នំពេញ មុនបម្រាមគោចរចាប់ផ្តើមនៅថ្ងៃទី១ ខែមេសា ឆ្នាំ២០២១។ខេមបូចា/ ព្រីង សំរាំង
Share on facebook
Share on twitter
Share on linkedin
Share on telegram
Share on whatsapp

លោក ឃួង ស្រេង អភិបាលរាជធានីភ្នំពេញបានប្រកាសបម្រាមគោចររយៈពេល២ សប្តាហ៍សម្រាប់រាជធានីភ្នំពេញចាប់ពីថ្ងៃទី១ ខែមេសានេះ ដោយហាមឃាត់ការធ្វើ ដំណើរនិងការជួបជុំផ្សេងៗ ចាប់ពីម៉ោង៨យប់រហូតដល់ម៉ោង៥ព្រឹក ខណៈករណីឆ្លងជំងឺកូវីដ-១៩ទាក់ទងនឹងព្រឹត្តិការណ៍សហគមន៍ថ្ងៃទី២០ ខែកុម្ភៈ កើនដល់ជាង២០០០ នាក់ហើយតួលេខអ្នកស្លាប់កើនដល់១៦នាក់។

អាជីវកម្មរួមមានភោជនីយដ្ឋាន ហាងកាហ្វេនិងហាងភេជ្ជៈមិនត្រូវបានអនុញ្ញាតឱ្យទទួលអតិថិជននៅនឹងកន្លែងជាកំហិត អំឡុងពេលបម្រាមគោចរនេះ ប៉ុន្តែទីតាំងអាជីវកម្មទាំងនោះអាចលក់ជាលក្ខណៈវេចខ្ចប់បាន ហើយការធ្វើដំណើរនៅក្នុងទីក្រុងត្រូវបានហាមឃាត់ លើកលែងតែការធ្វើដំណើរដោយមូលហេតុ សុខភាពបន្ទាន់ អ្នកដឹកអាហារ​ ការដឹកជញ្ជូនទំនិញ រថយន្តកុងតឺន័រ ក្រុមពន្លត់អគ្គីភ័យ និងការធ្វើដំណើ៾រករណីចាំបាច់ផ្សេងៗទៀត ដែលមានការអនុញ្ញាតពីអាជ្ញាធរមានសមត្ថកិច្ច។

ដោយបដិសេធមិនផ្តល់ព័ត៌មានលម្អិតនិងបានបង្វែរអ្នកយកព័ត៌មានទៅមើលអនុ ក្រឹត្យនិងសេចក្តីប្រកាសផ្លូវការ លោក ម៉េត មាសភក្តី អ្នកនាំពាក្យសាលារាជធានីភ្នំពេញបានមានប្រសាសន៍ថា៖ «យើងនឹងអនុវត្តផ្អែកលើសេចក្តីសម្រេចរបស់សាលារាជធានីភ្នំពេញ»។

សារាចរណែនាំនេះលើកឡើងថា បុគ្គលឬនីតិបុគ្គលណា ដែលមិនអនុវត្តតាមនឹងត្រូវប្រឈមនឹងមាត្រាច្បាប់ដែលបានប្រកាសដាក់ឲ្យប្រើនាពេលថ្មីៗនេះ ដើម្បីឆ្លើយ តបទៅនឹងការរំលោភបំពានជាច្រើននៃវិធានការណ៍ទប់ស្កាត់ជំងឺ COVID-១៩ ។

លោក ស ថេត ស្នងការនគរបាលរាជធានីភ្នំពេញ​ បានបង្ហោះសារនៅលើបណ្តាញហ្វេសប៊ុករបស់លោកថា កម្លាំងសមត្ថកិច្ចរាជធានីភ្នំពេញនឹងចេញអនុវត្តតាមសារាចរណែនាំរបស់អភិបាលក្រុងចាប់ពីម៉ោង៨យប់ថ្ងៃព្រហ្បតិ៍ ។

លោកបានសរសេរបង្ហោះថា៖ «ចំពោះអ្នកបំពានបម្រាមគោចរនេះ​ នឹងត្រូវឃាត់យាន្តយន្ត​ យកមករក្សាទុក​ ហើយត្រូវឲ្យធ្វើចត្តាឡីស័ក​ នៅផ្ទះរយ:ពេល១៤ថ្ងៃ​ បើមិនអនុវត្តតាម​ នោះសមត្ថកិច្ចនឹងចាត់វិធានការណ៍តាមច្បាប់»​

អ្នកស្រី ឌី ស្រីឡុង អាយុ៣៦ឆ្នាំជាអ្នកមើលការខុសត្រូវនៅភោជនីយដ្ឋានម្លិះ​ តាមបណ្តោយមហាវិថីព្រះនរោត្តមបានបញ្ជាក់ថា ភោជនីយដ្ឋានរបស់អ្នកស្រីនឹងផ្លាស់ប្តូរម៉ោងបើក គឺពីម៉ោង៦ព្រឹកដល់ម៉ោង៧យប់វិញឲ្យស្របតាមសារាចរណ៍ណែនាំនេះ ជាបញ្ហាប្រឈមមួយទៀត បន្ទាប់ពីអតិថិជនប្រចាំថ្ងៃបានធ្លាក់ចុះពីប្រហែល ២០០នាក់មកត្រឹមប្រហែល ២០ នាក់ អំឡុងពេលមានការរីករាដាលជំងឺកូវីដនេះ។

អ្នកស្រីបាននិយាយថា៖ «បាត់បង់ប្រាក់ចំណូលច្រើន»។

ស្របពេលជាមួយគ្នានេះដែរ ខេត្តព្រះសីហនុនិងខេត្តកណ្តាលដែលខេត្តទាំងពីរ មានករណីឆ្លងចង្កោមទាក់ទិនជាមួយការផ្ទុះឡើងនៃព្រឹត្តិការណ៍សហគមន៍ថ្ងៃទី២០ ខែ កុម្ភៈនោះ អាជ្ញាធរក៏កំពុងបង្កើនវិធានការណ៍ ដើម្បីទប់ស្កាត់ការរីករាលដាលនៃវីរុសនេះដែរ។

លោក គង់ សោភ័ណ្ឌ អភិបាលខេត្តកណ្តាលបានមានប្រសាសន៍ថា៖ «យើងត្រូវតែអនុវត្តអនុក្រឹត្យថ្មីលើអ្នកណា ដែលមិនគោរពតាមការណែនាំរបស់ក្រសួងសុខាភិ បាល»។​​ ដោយលោកបន្ថែមថា អ្នកដែលចូលមកខេត្តកណ្តាលនឹងត្រូវធ្វើចត្តាឡីស័កចំនួន១៤ថ្ងៃ។

លោកបានមានប្រសាសន៍ថា ឥឡូវនេះ មនុស្ស២៧៦នាក់បានឆ្លងនៅតំបន់ជ្រៃធំនៃស្រុកកោះធំ ដែលជាទីប្រជុំជនជាប់ព្រំដែនមានកាស៊ីណូច្រើន ហើយការធ្វើដំណើរដែលមិនចាំបាច់នៅជុំវិញខេត្តនិងការជួបជុំរាំច្រៀងនិងលេងល្បែងត្រូវបានហាម ឃាត់។

លោកបានមានប្រសាសន៍ថា៖ «សូមបងប្អូនទាំងអស់ប្រារព្ធពិធីបុណ្យចូលឆ្នាំខ្មែរនៅផ្ទះនិងគោរពតាមការណែនាំរបស់ក្រសួងសុខាភិបាល»។

អ្នកនាំពាក្យរដ្ឋបាលខេត្តព្រះសីហនុ បានមានប្រសាសន៍ថា​ មកដល់ពេលនេះមានអ្នកឆ្លងប្រហែល៣០០នាក់ក្នុងខេត្តរបស់លោក​។ លោកថាអាជ្ញាធរនឹងបង្កើនវិធានការណ៍ស្របតាមអនុក្រឹត្យ។

លោក ឃាង ភារម្យ មានប្រសាសន៍ថា៖ «យើងមិនបានបិទចរាចរណ៍ឬទីផ្សារនៅខេត្តព្រះសីហនុទេ ប៉ុន្តែប្រជាពលរដ្ឋត្រូវតែធ្វើតាមការណែនាំរបស់ក្រសួងសុខាភិបាល»

ស្ត្រីម្នាក់ចាក់វ៉ាក់សាំងស៊ីណូវ៉ាក នៃយុទ្ធនាការចាក់វ៉ាក់សាំង នៅរាជធានីភ្នំពេញ កាលពីថ្ងៃទី១ ខែមេសា ឆ្នាំ ២០២១។ខេមបូចា/ព្រីង សំរាំង
ស្ត្រីម្នាក់ចាក់វ៉ាក់សាំងស៊ីណូវ៉ាក នៃយុទ្ធនាការចាក់វ៉ាក់សាំង នៅរាជធានីភ្នំពេញ កាលពីថ្ងៃទី១ ខែមេសា ឆ្នាំ ២០២១។ខេមបូចា/ព្រីង សំរាំង

ក្រសួងសុខាភិបាលបានរាយការណ៍ពីករណីឆ្លងថ្មីចំនួន៣៧ករណី រួមទាំងករណីនាំ ចូលចំនួន២ករណីកាលពីថ្ងៃទី១ ខែមេសានេះ ដែលធ្វើឲ្យតួលេខករណីឆ្លងចង្កោមនៃព្រឹត្តិការណ៍២០កុម្ភៈកើនដល់១.៩៤៩នាក់ ខណៈតួលេខឆ្លងសរុបចាប់តាំងពីមានការរាតត្បាតកើនដល់២.៤៧៧ករណី។

ក្រសួងសុខាភិបាលក៏បានបញ្ជាក់ពីចំនួនអ្នកស្លាប់ដោយសារជំងឺកូវីដ-១៩មាន១៦ នាក់ បន្ទាប់ពីស្ត្រី៣នាក់បានស្លាប់កាលពីថ្ងៃទី៣១ ខែមីនា និងស្ត្រីចំណាស់២នាក់ទៀតបានស្លាប់នៅថ្ងៃទី១ ខែមេសានេះ។

ស្ត្រី៥នាក់ ដែលមានអាយុចន្លោះពី៥៦ឆ្នាំ ដល់៧០ឆ្នាំ និង២៨ឆ្នាំម្នាក់ដែលមានជំងឺទឹកនោមផ្អែមស្រាប់បានស្លាប់ក្នុងរយៈពេលត្រឹម២ថ្ងៃ ដោយក្រសួងអះអាងថា មានវិបត្តិផ្លូវដង្ហើមនិងខូចសួតធ្ងន់ធ្ងរមុនពេលស្លាប់។

វ៉ាក់សាំងស៊ីណូហ្វាម ៧០០.០០០ដូសបន្ថែមទៀតក្នុងចំណោមវ៉ាក់សាំង ១,៣ដូសដែលប្រទេសចិនបានសន្យាផ្តល់ឲ្យនោះបានមកដល់កាលពីយប់ថ្ងៃពុធ។ ក្រសួងការ ពារជាតិនឹងយកចំនួន៣០០.០០០ដូស ចំណែក ៤០០,០០០ដូសទៀតនឹងប្រគល់ជូនទៅក្រសួងសុខាភិបាល។

រដ្ឋាភិបាលក៏បានទទួលវ៉ាក់សាំង CoronaVac ចំនួន ១,៥ លានដូស ដែលបានទិញពីក្រុមហ៊ុនSinovac Biotech ដែលអាចចាក់ជូនប្រជាពលរដ្ឋ៧៥០.០០០នាក់។

លោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធការងារនិងសិទ្ធិមនុស្សបានថ្លែងថា វិធានការណ៍ថ្មីទប់ស្កាត់ជំងឺកូវីដ-១៩គឺសមស្រប ប៉ុន្តែបានលើកឡើងពីការព្រួយបារម្ភអំពីការអនុវត្តមិនត្រឹមត្រូវ ដើម្បីរារាំងការងាររបស់ក្រុមសង្គមស៊ីវិល ។

លោក តុលា បានមានប្រសាសន៍ថា៖ «ខ្ញុំបារម្ភថា អាជ្ញាធរនឹងប្រើប្រាស់ច្បាប់នេះលើសពីវិធានការណ៍សុខាភិបាល»​  ដោយលោកបានអំពាវនាវឱ្យរដ្ឋាភិបាលជួយផ្នែកសន្តិសុខសង្គមដល់គ្រួសារ ដែលកំពុងជួបការលំបាក ខណៈផលប៉ះពាល់នៃការរាត ត្បាតនេះកាន់តែធ្ងន់ធ្ងរឡើង៕

ប្រែសម្រួលពីអត្ថបទភាសាអង់គ្លេស៖ Phnom Penh placed under curfew as Covid cases, deaths rise

Share on facebook
Share on twitter
Share on linkedin
Share on telegram
Share on whatsapp
ព័ត៌មានទាក់ទង
ព័ត៌មានថ្មីៗ »
អត្ថបទពេញនិយម »