នគរបាល​អះអាងថា ជនជាតិជប៉ុន១៩នាក់ ដែលត្រូវបានរំដោះចេញពីទីតាំង​មួយ​​នៅ​ក្នុង​ក្រុងព្រះសីហនុ កាលពីចុងខែមករា មិនត្រូវបានបង្ខាំង​ផ្ទុយពីឆន្ទៈរបស់ពួកគេនោះ​ទេ ហើយកំពុងត្រូវបានស៊ើបអង្កេតពី​សកម្មភាព​ល្មើស​ នេះបើយោងតាមលោក ឆាយ គឹមឃឿន អ្នកនាំពាក្យអគ្គស្នងការនគរបាលជាតិ។

ខណៈពេលដែលប្រទេសចិនបើកព្រំដែនរបស់ខ្លួនឡើងវិញ ដោយដកចេញនូវលក្ខខណ្ឌធ្វើ​ចត្តាឡីស័ក និងការធ្វើតេស្តសម្រាប់អ្នកដំណើរត្រឡប់មកវិញ រដ្ឋាភិបាលកម្ពុជាបាន និយាយ​ថា ខ្លួន​ត្រៀម​ជា​ស្រេច​ក្នុងការស្វាគមន៍ភ្ញៀវទេសចរ និងវិនិយោគិនចិនមកវិញ ខណៈអង្គការ​សិទ្ធិមនុស្សបានទទូច​ឱ្យរដ្ឋាភិបាលធ្វើការ​ងារ​បន្ថែមទៀត ដើម្បីទប់ស្កាត់​ឧក្រិដ្ឋកម្មឆ្លងដែន។

បី​ខែបន្ទាប់​ពី​លោក​នាយក​រដ្ឋមន្ត្រី​ ហ៊ុន សែន ប្រកាស​ពី​កម្មវិធី​ជំនួយ​ជា​សាច់​ប្រាក់​សម្រាប់​ប្រ​ជា​ពល​រដ្ឋងាយរង​ហានិភ័យ តម្រូវ​ការ​​ក៏​នៅ​តែ​​មាន​ច្រើន​។ កម្មវិធី​នេះ មាន​បំណង​ជួយ​ដល់​អ្នក​ដែល​រង​គ្រោះ​ខ្លាំង​ពី​ការ​ឡើង​ខ្ពស់​នៃ​អតិផរណា ហើយ​កម្ម​វិធីនេះបាន​ផ្ដល់​ទៅ​កាន់​ប្រជា​ពលរដ្ឋរាប់​ម៉ឺន​នាក់​។ ប៉ុន្តែអ្នក​ដែល​ធ្វើការ​ជាមួយនឹង​អ្នក​ប្រកបរបរក្រៅប្រព័ន្ធ និងងាយរងគ្រោះបំផុត ​និយាយ​ថា​ខ្លួន​បារម្ភ​ថា​អាជ្ញាធរ​មូល​ដ្ឋាន​អាច​ប្រើ​ ជំនួយ​សាច់​ប្រាក់​នេះជា​​ឧបករណ៍​ចរចា​នយោបាយ​មុន​ការ​បោះ​ឆ្នោត​ជាតិ​ខែ​កក្កដា ឆ្នាំ​២០២៣​ ចូល​មក​ដល់​។​