ខេត្តបាត់ដំបង៖ ខណៈដែលកុមារផ្សេងទៀតមានជីវភាពសមរម្យ មានគ្រួសារផ្គត់ផ្គង់ និងទទួលបានការ អប់រំពេញលេញ ដោយឡែកកុមារមួយចំនួនដែលកំពុងរស់នៅ​លើ​គំនរ​សំរាម​ស្ថិតក្នុងសង្កាត់ស្លាកែត ក្រុងបាត់ដំបង បានបោះបង់ការសិក្សា ប្រឈមបញ្ហាសុខភាព និង​អនាម័យ នៅពេលពួកគេ​កំពុង​ជួយ​រើសសំរាមឪពុកម្តាយពួកគេដើម្បីចិញ្ចឹមក្រពះ។

ប្រជាពលរដ្ឋជិត៨០គ្រួសារដែលតាំងទីលំនៅបណ្ដោះអាសន្នស្ថិតក្នុងទីតាំងដីមួយកន្លែងក្នុង​ភូមិ​ព្រែកថី សង្កាត់រកាខ្ពស់ ក្រុងតាខ្មៅ ខេត្តកណ្ដាល ស្នើទៅអាជ្ញាធរឱ្យពន្លឿនការរៀបចំដី​សម្រាប់​​ពួកគេសង់ផ្ទះ ក្រោយការរស់នៅក្នុងផ្ទះប្រក់កៅស៊ូតង់ ជួបប្រទះនឹងការលំបាកបញ្ហា​ជីវភាព និងអនាម័យ បន្ទាប់ពីផ្ទះសម្បែងបាក់ស្រុតចូលស្ទឹង កាលពីខែមករាកន្លងមក។

ពលរដ្ឋដែលរស់នៅភូមិថ្នល់ទក្សិណ ឃុំក្រាំងធ្នង់ ស្រុកបាទី ខេត្តតាកែវ បាន​សាទរ​ចំពោះ​ការស្ថាបនាផ្លូវថ្មី បន្ទាប់ពីពួកគេលើកឡើងថា មានបញ្ហាសុខភាព និង​ប៉ះពាល់​ដល់​ការរកស៊ី ដោយសារតែផ្លូវនេះពីមុនមានសភាពហុយខ្លាំង។

យ៉ាងហោចណាស់ផ្ទះប្រជាពលរដ្ឋដែលមានទីលំនៅនៅតាមសណ្ដស្ទឹងព្រែកត្នោតប្រមាណ ២ ៣០៥គ្រួសារបានរងផលប៉ះពាល់ដោយសារតែជំនន់ទឹកភ្លៀងខុសរដូវ ដោយពលរដ្ឋ​មួយ​ចំនួនអះអាងថាពួកគេខាតបង់ថវិកាព្រោះតែលិចស្រែចម្ការបស់ពួកគេ និងខាតបង់ទ្រព្យ​សម្បត្តិមួយចំនួន។

មានចម្ងាយប្រមាណ៤០គីឡូម៉ែត្រពីស្រុកកែវសីមា ខេត្តមណ្ឌលគិរី សាលាបឋមសិក្សា​ត្រាំងកិត ស្ថិតក្នុងភូមិពូកេះ ឃុំមេម៉ង់​ ស្រុកកែវសីមា មិនមានបង្គន់អនាម័​យ​ និងមាន​អគារ​សិក្សា​​ឈើចាស់មួយខ្នង ខណៈបណ្ណាល័យ ទីចាត់ការ សួនច្បារ និងផ្លូវពុំមានឡើយ​សម្រាប់​សាលា​រៀនមួយនេះ។