ថ្នាក់ដឹកនាំខេត្តមួយចំនួនកំពុងស្រាវជ្រាវករណីផ្ទុះការឆ្លងកូវីដ១៩ ក្នុងចំណោមកម្មករ
អាជ្ញាធរស្រុកក្នុងខេត្តកំពង់ចាមកំពុងប្រញាប់ប្រញាល់ស៊ើបអង្កេតលើករណីផ្ទុះរាលដាលជំងឺកូវីដ១៩ក្នុងតំបន់ បន្ទាប់ពីបានរកឃើញកម្មកររាប់សិបនាក់បានឆ្លងកូវីដ១៩នៅក្នុងរោងចក្រស្បែកជើងចំនួនពីរក្នុងស្រុកនេះ។ ក្នុងសេចក្ដីថ្លែងការណ៍មួយរបស់អាជ្ញាធរខេត្តកំពង់ចាម បានសរសេរថាកម្មករចំនួន៥១នាក់បានតេស្តវិជ្ជមានកូវីដ១៩ នៅរោងចក្រចំនួនពីររបស់រោងចក្រស្បែកជើង Carlington និង Juhui ។ រោងចក្រទាំងពីរមានទីតាំងស្ថិតនៅក្នុងស្រុកជើងព្រៃ ខេត្តកំពង់ចាម ដែលទើបមានផ្ទុះការឆ្លងរាលដាលជំងឺកូវីដ១៩ ថ្មីទៀតក្នុងចំណោមកម្មកររោងចក្រ ហើយអាជ្ញាធរនៅពេលនេះកំពុងដាក់ការសង្ស័យលើរថយន្តដឹកកម្មករដែលមានការចង្អៀតណែនពេក ទើបក្លាយជាប្រភពនៃការចម្លងនេះ។ ចំនួនឆ្លងថ្មី ៣៥ករណីទៀតត្រូវបានបញ្ជាក់កាលពីម្សិលមិញក្នុងចំណោមកម្មកររោងចក្រក្នុងខេត្តកំពង់ចាម ដែលការណ៍នេះទំនងជាមានទាក់ទងនឹងលំហូរនៃបុគ្គលិករោងចក្រចេញពីភ្នំពេញ បន្ទាប់ពីការធ្វើដំណើរក្នុងទីក្រុងភ្នំពេញត្រូវបានអនុញ្ញាតឡើងវិញនៅថ្ងៃទី៦ ខែឧសភា។ មន្ត្រីសុខាភិបាលនៅខេត្តកំពង់ឆ្នាំង និងកំពង់ស្ពឺ ក៏បានរាយការណ៍ក្នុងសប្ដាហ៍នេះពីចំនួនឆ្លងរាប់សិបនាក់ ក្នុងទម្រង់ដូចគ្នានេះ។ នៅថ្ងៃព្រហស្បតិ៍នេះ…
