លោកនាយក​រដ្ឋមន្ត្រី​ ហ៊ុន សែន កាល​ពី​ថ្ងៃអង្គារ បាន​ព្រមាន​ថា​លោក​នឹង​ចាត់​វិធានការ​ច្បាប់​ប្រឆាំង​គណបក្សនយោបាយ​ណា​ដែល​ប្រើ​ប្រាស់​ការ​ផ្លាស់​ប្ដូរទី​លំនៅ​របស់​ប្រ​ជា​ពល​រដ្ឋ​ចេញ​ពី​តំបន់បេតិកភណ្ឌ​អង្គរ​ ជា​បញ្ហា​សម្រាប់​យុទ្ធនាការឃោសនា​បោះ​ឆ្នោត​ជាតិ ដែល​នឹង​ចូល​មក​ដល់​នៅ​ឆ្នាំខាង​មុខ​។​

ព្រះរាជាអាជ្ញាកាន់សំណុំរឿងក្បត់ជាតិប្រឆាំងលោក​ កឹម សុខា ក្នុងសវនាការនៅថ្ងៃពុធនេះបានដាក់ភស្តុតាងថ្មីដែលមេធាវីការពារក្តីឱ្យអតីតមេបក្សជំទាស់រូបនេះជំរុញឱ្យចៅក្រមបដិសេធដោយថាការដាក់ភស្តុតាងនោះគ្រាន់តែដើម្បីពន្យាពេលសវនាការ ហើយបង្ហាញថាព្រះរាជអាជ្ញាមិនមានភស្តុតាងគ្រប់គ្រាន់ដើម្បីដាក់បន្ទុកការចោទប្រកាន់របស់ខ្លួន។​

រដ្ឋមន្ត្រីការបរទេសក្នុងតំបន់អាស៊ានលើកលែងតែមីយ៉ាន់ម៉ា បានជួបជុំគ្នានៅរាជធានីភ្នំពេញក្នុងសប្តាហ៍នេះ ក្នុងពេលដែលភាពតានតឹងក្នុងសកលលោក និងតំបន់កំពុងកើនឡើង ហើយស្របពេលដែលអំពើហិង្សានៅតែបន្តកើតមានបន្ទាប់ពីយោធាមីយ៉ាន់ម៉ាបានធ្វើរដ្ឋប្រហារដែលបញ្ហានេះបានធ្វើឱ្យអាស៊ានមានការខកចិត្តសម្រាប់កិច្ចខិតខំប្រឹងរបស់ខ្លួនក្នុងការស្តារស្ថានការណ៍នៅប្រទេសនេះឡើងវិញ។