បុគ្គលិកសណ្ឋាគារ សូហ្វីតែលភ្នំពេញ ភូគីត្រា និងសណ្ឋាគារ កាំបូឌីយ៉ាណា ជិត៤០នាក់បាន ប្រមូលផ្តុំនៅខាងមុខក្រសួងការងារថ្ងៃទី២៥ ខែមេសានេះ ដើម្បីស្នើឱ្យរដ្ឋមន្រ្តីក្រសួងការងារ​បញ្ជូន​ករណីវិវាទការងាររួមទៅក្រុមប្រឹក្សាអាជ្ញាកណ្តាល ក្រោយ​ពីវិវាទត្រូវបាន​ដោះ​ស្រាយ​មិនសះជា។

សាលាដំបូងខេត្ដសៀមរាបសម្រេចបង្កកគណនីធនាគារចំនួន១៨៣ និងទ្រព្យសម្បត្ដិ​ក្រុម​​ហ៊ុន ប្រ៊ីលាន ស៊ីធី ក្រោយពីពលរដ្ឋរាប់ពាន់នាក់បានដាក់ពាក្យបណ្ដឹងកាលពីពាក់កណ្ដាល​​ខែកុម្ភៈ គិតមកដល់ពេលនេះពលរដ្ឋអះអាងថា នៅមិនទាន់ទទួលបាន​ដំណោះស្រាយ​សម​ស្របនៅ​ឡើយ។

សាលាដំបូងរាជធានីភ្នំពេញសម្រេចឃុំខ្លួនពលរដ្ឋម្នាក់ និងអ្នកបើកឡានទឹកម្នាក់​បណ្ដោះ​អាសន្ន​​ពីបទ«ហិង្សាដោយចេតនាមានស្ថាន​ទម្ងន់ទោស»កាលពីសប្តាហ៍មុន ក្រោយ​ពី​ផ្ទុះ​ការតវ៉ាទ្រង់ទ្រាយធំនៅបុរីពិភពថ្មីកួរស្រូវ២ កាលពីថ្ងៃទី៦ ខែមេសា ឆ្នាំ២០២៤។

សាលាដំបូងខេត្ដកំពង់ឆ្នាំងសម្រេចចោទប្រកាន់អភិបាលស្រុករងម្នាក់ និងជនសង្ស័យពីរនាក់​ទៀត​ពីបទ«បំផ្លាញ និងគៃបំបាត់ និង​បទ​កាប់ឆ្ការគាស់​រាន ឈូស​ឆាយ​​​ព្រៃ​លិចទឹក»​ និង​«សមគំនិត»​នៅ​ថ្ងៃទី៣ ខែមេសា​ បន្ទាប់​ពី​អង្គភាព​ប្រឆាំងអំពើ​ពុក​រលួយ​​ឃាត់ខ្លួន​កាលពីថ្ងៃ​ទី៣០ ខែមីនា ដោយ​សារ​តែបានទន្រ្ទានដីលិចទឹក​៩ហិកតាមកជា​កម្មសិទ្ធិ​។

ពលរដ្ឋ១០នាក់ជាតំណាងពលរដ្ឋ៧១១គ្រួសារមកពីខេត្ដឧត្ដរមានជ័យបាននាំគ្នាឡើងមក​ដាក់ញត្ដិនៅក្រសួងរៀបចំដែនដី នគរូបនីយកម្ម និងសំណង់ ដើម្បីឱ្យក្រសួង​ជួយអន្ដរាគមន៍​លើ​បញ្ហាដីធ្លីរបស់ពួកគេ ខណៈពួកគេថា កំពុងធ្លាក់ខ្លួនក្នុងវិបត្ដិបំណុលដែលប៉ះពាល់ដល់​ជីវភាព និង​ប្រឈម​បញ្ហាផ្សេងៗ កាលពីថ្ងៃទី២០ ខែមីនា ឆ្នាំ២០២៤។