ស្ទឹងហាវ៖ ផ្ទះ​ខ្ទម​ប្រហែល​ ២០០ ដែល​អាជ្ញាធរ​អះអាងថា​បាន​សាងសង់​ដោយ​ខុស​ច្បាប់​នៅ​លើ​ដី​កម្មសិទ្ធឯកជន​ក្នុង​តំបន់​សេដ្ឋកិច្ច​ពិសេស​ខេត្ត​ព្រះ​សី​ហនុ ត្រូវ​បាន​រុះរើកាលពីព្រឹក​​ថ្ងៃព្រហស្បតិ៍​ ដែលនេះជាផ្នែកមួយ​នៃបញ្ហា​ជម្លោះ​ដី​ធ្លី​ដែល​កំពុង​កើត​ឡើង​​ក្នុង​ស្រុក​ស្ទឹង​ហាវ ខេត្ត​ព្រះ​សីហនុ​។​

មន្ត្រីកងកម្លាំងរាជអាវុធ២រូបនៅខេត្តកំពង់ធំត្រូវបានឃាត់ខ្លួន ពាក់ព័ន្ធអំពើល្មើសច្បាប់ក្នុងពេលបំពេញភារកិច្ចដែលបានបណ្តាលឱ្យអនុភូមិម្នាក់ស្លាប់កាលពីថ្ងៃទី៧ខែសីហាកន្លងទៅ។

ប្រទេសកម្ពុជាបានធ្លាក់ទៅក្នុងបញ្ជីខ្មៅសហរដ្ឋអាមេរិកជាថ្មី។ នៅក្នុងរបាយការណ៍ស្តីពីការជួញដូរមនុស្សរបស់ខ្លួន ទីក្រុងវ៉ាស៊ីនតោនបានទម្លាក់ចំណាត់ថ្នាក់ប្រទេសកម្ពុជាមកកម្រិត៣ ជាកម្រិតទាបបំផុតនៅក្នុងចំណោមកម្រិតទាំងបី ដោយលើកឡើងពីអំពើពុករលួយជាប្រព័ន្ធនិងការគ្មានឆន្ទៈក្នុងការបង្ក្រាបក្រុមជួញដូរមនុស្ស។

ប្រជាពលរដ្ឋមួយចំនួននៅខេត្តព្រះវិហារត្រូវបានគំរាមកំហែងដកហូតយកដីធ្លីដោយអាជ្ញាធរ​និងក្រុមហ៊ុនរ៉ែមាសចិន ដែលធ្វើឱ្យពួកគាត់ព្រួយបារម្ភពីជីវភាពកាន់តែលំបាកខ្លាំង ដោយ​សារ​​ពួកគាត់​​បានពឹងផ្អែកលើដីនោះដើម្បីប្រកបរបរទាញយករ៉ែជាលក្ខណៈគ្រួសារនេះតាំងពី​យូរ​ណាស់មកហើយ។