សាលាដំបូងខេត្ដរតនគិរីបានសម្រេចផ្តន្ទាទោសលោក ថេង សាវឿនប្រធាន​សមាគម​សម្ព័ន្ធ​​សហគមន៍កសិករកម្ពុជា និងសហការី​២នាក់​គឺលោក ញ៉ិល ភាព និងលោក ថាន់ ហាច ពីបទ​«រួមគំនិតក្បត់ និងញុះញង់»ចំនួន៥ឆ្នាំ ប៉ុន្តែទោសនោះត្រូវព្យួរ​ទាំង​អស់ យោងតាម​អ្នក​នាំ​ពាក្យ​តុលាការ។

ឆ្នាំ​បោះឆ្នោត២០២៣ នៅ​កម្ពុជាត្រូវបានកត់សម្គាល់ដោយការវាយប្រហារមកលើ​អ្នករិះគន់រដ្ឋាភិបាល និងប្រព័ន្ធផ្សព្វផ្សាយឯករាជ្យ នេះបើយោងតាមរបាយការណ៍សកលឆ្នាំ២០២៤ ​របស់អង្គការឃ្លាំមើលសិទ្ធិមនុស្សអន្តរជាតិ (HRW) ដែលបានចេញផ្សាយកាលពីថ្ងៃព្រហស្បតិ៍។

អ្នកឃ្លាំមើលសិទ្ធិមនុស្ស និងសកម្មជនបរិស្ថាន អះអាងថា ជនបរទេសមួយរូបនឹងត្រូវបាន​ឱ្យ​ចាក​ចេញពីប្រទេសកម្ពុជានៅថ្ងៃពុធនេះ បន្ទាប់ពីអាជ្ញាធរឃាត់សួរនាំរយៈពេលជាច្រើនម៉ោង​ពាក់ព័ន្ធ​នឹងការចូលរួមជាមួយយុវជនស្រលាញ់បរិស្ថាន​ក្នុងការធ្វើសកម្មភាពលក្ខណៈ​ហាត់​ប្រាណ និងលើកបដាដើម្បីជំរុញឱ្យអាជ្ញាធរដាក់កោះកុងក្រៅជា «ឧទ្យានជាតិសមុទ្រ»។

អាជ្ញាធរថៃបានសម្រេឃុំខ្លួនជនភៀសខ្លួនខ្មែរ៧នាក់ក្នុងចំណោម១០នាក់ដែលត្រូវបានឃាត់ខ្លួន បន្ទាប់ពី​ពួកគេចូល​រួមវគ្គសិក្សា​កិច្ច​ព្រមព្រៀងសន្តិភាពទីក្រុងបារីស៍​២៣តុលា នៅក្នុង​ទីក្រុង​បាងកក កាល​ពី​ថ្ងៃទី​២៩ ខែ​ធ្នូ​។ បន្ទាប់ពី​នគរបាល​ថៃបាន​សួរនាំ និង​ពិនិត្យ​ឯកសាររួច មនុស្ស៣នាក់ក្នុងចំណោម១០នាក់​នោះត្រូវ​បាន​ដោះ​លែងមកវិញ កាលពីព្រឹកថ្ងៃទី៣០ ខែធ្នូ ឆ្នាំ២០២៣។​