យុវតី កាំង មុយនីន អាយុ១៦ឆ្នាំ​ បានចាប់ផ្តើមហាត់​ហែលទឹកយ៉ាងខ្លាំងក្លាតាំងពីនាងនៅ​អាយុ​១០​ឆ្នាំ​។ កាលពីដើម​ខែនេះ សិស្សថ្នាក់ទី​១០​រូបនេះ​ទទួល​បាន​មេដាយ​មាស​ចំនួន​បី​សម្រាប់ប្រទេសកម្ពុជា​នៅក្នុងការ​ប្រកួត​កម្រិតតំបន់​ដោយ​វ៉ាដាច់​កីឡាការិនី​នៅក្នុង​ក្រុម​អាយុដូចគ្នា​មកពី​១៥​ប្រទេស​ផ្សេងទៀត។

ប្រជាពលរដ្ឋរស់នៅតាមបណ្តាខេត្តមួយចំនួនអះអាងថា ពួកគាត់មិនហ៊ានចំណាយលុយលើការព្យាបាលជំងឺ ឬបរិភោគអាហារឱ្យបានគ្រប់គ្រាន់នោះទេ ដោយសារតែបារម្ភខ្លាចមិនមានលុយសងបំណុល ខណៈដីមួយចំនួនត្រូវបានបង្ខំចិត្តលក់សងបំណុល ហើយកូនចៅបានបោះបង់ការសិក្សាដោយសារតែបញ្ហានេះ។​​

ប្រជាសហគមន៍តំបន់ការពារធម្មជាតិជ្រោយស្វាយក្នុងស្រុកស្រែអំបិល ខេត្តកោះកុង បានអះ​អាងថា អាជ្ញាធរបានគប់គិតគ្នាជាប្រព័ន្ធបណ្តាល​ឱ្យមានការកាប់ទន្ទ្រានព្រៃ​កោងកាងអស់​ប្រមាណ​២០០ហិកតា​ ខណៈប្រធាន​មន្ទីរ​បរិស្ថាន​ថា​លោកមិនទាន់បានដឹងពីបញ្ហាការ​កាប់​ទន្ទ្រានព្រៃកោងកាងនៅឡើយទេ។

អាជ្ញាធរខេត្តក្រុងផ្ដើមយុទ្ធនាការទ្រង់ទ្រាយធំបង្ក្រាបល្បែងស៊ីសងទូទាំងប្រទេស។ ប្រតិបត្តិការណ៍ទាំងនេះកើតឡើងបន្ទាប់ពីលោកនាយករដ្ឋមន្ត្រី ហ៊ុន សែន ចេញបទបញ្ជាថ្មី ដើម្បីបង្ក្រាបល្បែងស៊ីសងគ្រប់ប្រភេទរាប់តាំងពីឡូតូនិងកន្ទុយលេខ ដោយភ្ជាប់សារព្រមាន​ដកតំណែងអភិបាលរាជធានី ខេត្ត ខណ្ឌ ក្រុង ស្រុក កាលពីថ្ងៃទី១៧ ខែកញ្ញា ឆ្នាំ២០២២។

ប្រជាពលរដ្ឋ៤គ្រួសារដែលមិនព្រមទទួលយកសំណងបានប្ដឹងទៅសមាគមការពារសិទ្ធិ​មនុស្ស អាដហុក ដោយអះអាងថា រងអំពើហិង្សានិងបៀតបៀនផ្លូវភេទពីអាជ្ញាធរ អំឡុងពេល​ពួក​គាត់​ទៅមើលការឈូសឆាយដីស្រែរបស់គាត់ដែលរងផលប៉ះពាល់ក្នុងគម្រោង​ស្ដារ​ប្រឡាយ​ទឹកនៅស្រុកស្វាយជ្រំ ខេត្តស្វាយរៀង​។

ក្រុមយុវជនដែលដាក់ញត្តិស្នើឱ្យក្រសួងមហាផ្ទៃលុបចោលការផ្ដល់បណ្ណស្នាក់នៅអចិន្រ្តៃយ៍ឱ្យជនបរទេស គ្រោងនឹងធ្វើបាតុកម្ម​អហិង្សាទ្រង់ទ្រាយធំនៅទីលានប្រជាធិបតេយ្យ បន្ទាប់ពី​ចប់​រដូវភ្ជុំបិណ្ឌប្រសិនបើក្រសួងមហាផ្ទៃ និងក្រសួងពាក់ព័ន្ធ មិនមានការឆ្លើយតប​ជាវិជ្ជមាន​តាម​ការស្នើសុំរបស់ក្រុមយុវជន។

តុលាការខេត្តបាត់ដំបងបានសម្រេចចោទប្រកាន់និងឃុំខ្លួនអគ្គនាយកក្រុមហ៊ុននិងប្អូនបង្កើត​របស់ប្រធានក្រុមប្រឹក្សាភិបាលក្រុមហ៊ុនចិញ្ចឹមសត្វអានស៊ីន អាវី សែនជ័យ​ នៅដើមខែកញ្ញា​នេះ​ នៅ​ពេល​ដែលពួកគេបានបោកប្រាស់ប្រាក់ប្រជាពលរដ្ឋជាង២​លាន​ដុល្លារ។