អង្គការ និងសមាគមក្រៅរដ្ឋាភិបាលជាង២០ស្ថាប័នជំរុញឱ្យរដ្ឋាភិបាលពន្លឿន​ការបង្កើត​ច្បាប់​​ស្តីពីការគ្រប់គ្រងគ្រឿងស្រវឹង ដោយ​រក​ឃើញថាការដែលមានច្បាប់គ្រប់គ្រង​គ្រឿង​ស្រវឹង នឹង​បញ្ចៀសការស្លាប់ដោយគ្រោះថ្នាក់ចរាចរណ៍ និងវិបត្តិសង្គមផ្សេងៗ។

ពលរដ្ឋជនជាតិដើមភាគតិចពូនងជិត១០០គ្រួសាររស់នៅភូមិរវ៉ាក់ ឃុំរយ៉ ស្រុកកោះញែក ខេត្តមណ្ឌលគិរី បានស្នើឱ្យអាជ្ញាធរ​ជួយអន្តរាគមន៍ដកហូត​ដីសហគមន៍​ប្រមាណជិត១០០​ហិកតាពីឈ្មួញដីធ្លីម្នាក់ឈ្មោះ អឿន ម៉ៅ ដោយពួកគេអះអាងថា ​បាន​រំលោភយកដី​ពលរដ្ឋ​ទៅលក់ដូរឱ្យអ្នកផ្សេង។

របាយការណ៍មួយ​ពីធនាគារ​ពិភព​លោក (World Bank )បានរកឃើញថា ការបង្កើនចំណាយរបស់រដ្ឋាភិបាល​ ដែល​ជំរុញ​មួយផ្នែក​ដោយ​ការដំឡើងប្រាក់បៀវត្សរ៍បុគ្គលិករដ្ឋ​ទូទៅ មិនបានផ្ដល់​គុណផល​ការងារ​​ប្រសើរ​ឡើង​នៅឡើយទេ ​នៅក្នុងប្រទេសនេះ ។ រដ្ឋាភិបាល​គួរប្រើប្រាស់​ចំណាយសាធារណៈ​ទៅលើ​សេវាសង្គមកិច្ច​ឱ្យមានប្រសិទ្ធភាពជាងមុន ដើម្បី​លើកកម្ពស់​គុណផល​នៅក្នុង​វិស័យ​អប់រំ​ និង​សុខាភិបាល ។​

ខេត្តព្រះសីហនុ៖ សាលាដំបូងខេត្តព្រះសីហនុ នៅថ្ងៃទី១៥ ខែកុម្ភៈ បានសម្រេចផ្តន្ទាទោស​ជនជាតិចិនតៃវ៉ាន់ចំនួន២នាក់ ដាក់ពន្ធនាគារ​ក្នុងម្នាក់ៗចំនួន២ឆ្នាំ និងពិន័យប្រាក់​ក្នុងម្នាក់ៗ​ចំនួន៤លានរៀល ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខ​សង្គម ប្រព្រឹត្ត​នៅ​ភូមិ៦ សង្កាត់លេខ៤ ក្រុង-ខេត្តព្រះសីហនុ កាលពីថ្ងៃទី១៣ ខែកុម្ភៈ ឆ្នាំ​២០២៤។ ​

ក្រសួងធម្មការ និងសាសនាកំពុងប្រមូលធាតុចូលពីប្រភពផ្សេងៗ ក្នុងការរៀបចំសេចក្តីព្រាងច្បាប់ស្តីពីសាសនា ដើម្បីធានាដល់ផលប្រយោជន៍ជាតិ និងអ្នកប្រតិបត្តិជំនឿសាសនានានា ហើយឈាន​ដល់ការគ្រប់គ្រងសកម្មភាពរបស់អ្នកកាន់បារមីផងដែរ។