លោកនាយករដ្ឋមន្ដ្រី ហ៊ុន សែនបានសម្រេចតាមការស្នើសុំរបស់ម្ចាស់រថយន្ដចង្កូតស្ដាំ​ដែល​បានតវ៉ាបិទផ្លូវកាលពីថ្ងៃអង្គារនៅចំណុចរង្វង់មូលកួរស្រូវថាសុំត្រឹមបង់ពន្ធតែសុំមិនកែ​ចង្កូត ប៉ុន្ដែលោកមិនអនុញ្ញាតឱ្យមានការនាំចូលរថយន្ដចង្កូតស្ដាំចាប់ពីថ្ងៃដែលគាត់មានប្រសាសន៍ គឺថ្ងៃទី៦ ខែកក្កដានេះតទៅ។

ម្ចាស់រថយន្ដចង្កូតស្ដាំប្រមាណជា៣០០នាក់បានប្រមូលផ្ដុំគ្នាបិទផ្លូវ​ត្រង់រង្វង់មូលកួរស្រូវក្នុងខណ្ឌដង្កោ ដើម្បីស្នើសុំដល់លោក​នាយករដ្ឋមន្ដ្រី ហ៊ុន សែន ជួយ​អន្ដរាគមន៍ ក្រោយពីក្រសួងសាធារណការនិងដឹកជញ្ជូនតម្រូវឲ្យពួកគាត់កែចង្កូត​ពីស្ដាំទៅ​ឆ្វេង​និងត្រូវបង់ពន្ធ ខណៈពួកគាត់សុំមិនកែចង្កូត។

អាជ្ញាធរខេត្តកំពង់ឆ្នាំងបានអះអាងថាបឹងពោធិ៍ដែលស្ថិតក្នុងឃុំតាជេស ស្រុក​កំពង់ត្រឡាច មិន​បានប្រគល់ទៅឱ្យក្រុមហ៊ុនឯកជនទេ ខណៈប្រជាពលរដ្ឋ​សហគមន៍​កំពុងស្នើទាមទារ​ដាក់បឹង​នោះជាបឹងអភិរក្សរបស់សហគមន៍ ហើយពួកគាត់​ព្រួយបារម្ភ​ក្រែង​អាជ្ញាធរលក់ឱ្យ​ក្រុមហ៊ុន​ឯកជន។