អាជ្ញាធ​របានអះអាងថា គ្មាន​ពលរដ្ឋខ្មែរណាម្នាក់ស្លាប់ក្នុងគ្រោះអគ្គិភ័យដែលបានឆាបឆេះកាស៊ីណូនៅក្រុងប៉ោយប៉ែតកាលពីចុងខែធ្នូនោះទេ ប៉ុន្តែសាច់ញាតិរបស់ស្ត្រីខ្មែរម្នាក់ដែលជាប់នៅក្នុងអគារនោះ នៅពេលមាន​អគ្គិភ័យបានរៀប​ចំ​ពិធីបុណ្យសពរបស់​នាងរួចហើយ។

ពលរដ្ឋរស់នៅសហគមន៍ស្រ្តីក្លាហាន ស្ថិតនៅភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ ស្នើឱ្យអាជ្ញាធរមូលដ្ឋានរៀបចំប្រព័ន្ធលូ​ឱ្យបានត្រឹមត្រូវ ដើម្បី​បញ្ចៀស​ការ​បង្ហូរកាកសំណល់​បង្គន់ និងទឹកលូ ធ្វើឱ្យជន់លិចផ្ទះ ជះក្លិនស្អុយ និងបង្កការ​លំបាក​ដល់ការ​រស់នៅរបស់ពួកគេមុននឹងរដូវវស្សាឈានចូលមកដល់។

ស្ថិតក្នុងតំបន់ដាច់ស្រយាលឆ្ងាយពីទីប្រជុំជន ជនជាតិដើមភាគតិចពូនងរស់នៅក្នុង​ស្រុក​ចិត្របុរី​អះអាងថា ពួកគេត្រូវការគ្រូបង្រៀន និងសាលាបឋមសិក្សានៅក្នុងតំបន់​សម្រាប់​ឱ្យ​កូនៗ​របស់ពួកគេបានរៀនសូត្រ ត្បិតថាសាលានៅឆ្ងាយ ខណៈផ្លូវធ្វើដំណើរមិនទាន់មានការ​អភិវឌ្ឍនៅឡើយ។

កញ្ញា ឈឹម ស៊ីថរ មេដឹកនាំសហជីព​ណាហ្គាវើលដ៍​ត្រូវបានតុលាការសម្រេចឃុំខ្លួន ពាក់ព័ន្ធ នឹងការមិន​គោរពតាមលក្ខខណ្ឌដែលដាក់ឱ្យស្ថិតនៅ​ក្រោមសមត្ថកិច្ចតុលាការ​កាលពីព្រឹក​ថ្ងៃ​ទី២៦ ខែវិច្ឆិកា ឆ្នាំ២០២២ បន្ទាប់ពីគាត់ត្រូវបានសមត្ថកិច្ចប៉ូលិសអន្តោប្រវេសន៍ឃាត់ខ្លួន ខណៈ​​កញ្ញា​​ត្រឡប់​មកពី ប្រទេសអូស្រ្តាលី។ យោងតាមអ្នកនាំពាក្យសាលាដំបូង​រាជធានី​ភ្នំពេញ លោក អ៊ី រិន្ទ​។