អតីតសមាជិកCNRP បន្តភ័យខ្លាច ខណៈដែលសមត្ថកិច្ចមិនទាន់ចាប់បានជនបង្កហិង្សាមកលើខ្លួន
បុរសវ័យ៣៥ឆ្នាំម្នាក់ សម្បុរស្រអែម សក់ស្កូវប្រូង បបូរមាត់ហើមប៉ោង កំពុងសម្រាកព្យាបាលរបួសក្នុងបន្ទប់ជួល ទំហំជាង២០ម៉ែត្រការ៉េ នាសង្កាត់កន្ទោក ខណ្ឌកំបូល រាជធានីភ្នំពេញ។ លោកមិនអាចនិយាយខ្លាំងបាននោះទេ ដោយសារមានការឈឺចាប់ពីមុខរបួស។ លោក ប្រាក់ សីហា ជាអតីតចៅសង្កាត់រងទី២សង្កាត់កំបូល មកពីគណបក្សសង្គ្រោះជាតិ។ លោកបានចាប់អាជីព អ្នករត់រ៉ឺម៉កកង់បី បន្ទាប់ពីគណបក្សរបស់លោកត្រូវបានរំលាយដោយតុលារកំពូលកាលពីចុងឆ្នាំ២០១៧។ នៅវេលាម៉ោង៩ព្រឹក លោក សីហា តែងតែរង់ចាំដឹកភ្ញៀវនៅម្ដុំឈូកវ៉ា ក្នុងទីក្រុងភ្នំពេញ ប៉ុន្តែចាប់ថ្ងៃ១៧ខែកុម្ភៈ…