ប្រជាពលរដ្ឋជិត៥០នាក់មកពីភូមិប៉ប្រក​ខាងជើងបានប្រមូលផ្តុំគ្នាកាលពីថ្ងៃអង្គារនៅរដ្ឋាករទឹកស្វយ័តក្រុងភ្នំពេញ (PPWSA) បន្ទាប់ពីរង់ចាំរយៈពេលបួនខែ នៃការយល់ព្រមពីរដ្ឋាករ​ទឹក​ថានឹងផ្គត់ផ្គង់ទឹក​ទៅ​តំបន់នោះ។ ខណៈប្រជាពលរដ្ឋដែលរស់នៅក្បែរផ្លូវរថភ្លើងភ្នំពេញ នៅតែបន្តរង់ចាំរដ្ឋាករ​ទឹកតភ្ជាប់បណ្តាញ​ផ្គត់ផ្គង់ទឹកស្អាត​នោះ ពួកគាត់និយាយថា ពួកគាត់កំពុង​ដោះ​ស្រាយ​​​បញ្ហាអនាម័យនិងបញ្ហា​សុខភាព ហើយកំពុងជួបការលំបាកក្នុងការចំណាយទិញ​ទឹកពីអ្នក​ផ្គត់ផ្គង់ឯកជន។