ក្រសួងការងារកូរ៉េដាក់សំណើរមកក្រសួងការងារខ្មែរឱ្យកាត់បន្ថយ​ពលករ និងត្រូវរៀបចំឱ្យ​បាន​ល្អ​ប្រសើរ​មុននឹងបញ្ជូនទៅធ្វើការ បន្ទាប់ពីពលករខ្មែរចាកចេញពីប្រទេសកូរ៉េ​ដោយអ្នក​ខ្លះ​មិន​ជូន​ដំណឹងដល់ថៅកែ ខណៈអ្នកនាំពាក្យក្រសួងការងារកម្ពុជាថា​កំពុងដោះស្រាយ​បញ្ហា​រឿង​​ពលករជាមួយភាគីកូរ៉េដើម្បីបានបញ្ជូនពលករធម្មតាវិញ។

ភាគីតំណាងថៅកែរោងចក្របានសម្រេចដំឡើងតួលេខរបស់ខ្លួន២ដុល្លារក្នុងការចរចារប្រាក់​ឈ្នួលកម្មករសម្រាប់ឆ្នាំ២០២៣ បន្ទាប់ពួកគេមិនហ៊ានដំឡើងរយៈពេលពីរឆ្នាំកន្លងមក ខណៈ​ប្រាក់ខែគោលកម្មករបច្ចុប្បន្នត្រឹមតែ១៩៤ដុល្លារ ប៉ុន្តែភាគីតំណាងកម្មករទាមទារចំនួន​២១៣ដុល្លារ។

ប្រជាពលរដ្ឋចំនួន៩២គ្រួសារដែលត្រូវបណ្ដេញចេញពីលំនៅឋានបន្ទាប់ពីមានជម្លោះដីធ្លី​ជាមួយក្រុមហ៊ុនផលិតស្ករនៅសង្កាត់កូនគ្រៀល ក្រុងសំរោង ខេត្តឧត្តរមានជ័យ ស្នើសុំ​ដី​សម្បទានសង្គមកិច្ចចំនួន២ហិកតាក្នុងមួយគ្រួសារ ដោយពួកគេអះអាងថា​ពុំមានដី​សម្រាប់​ធ្វើកសិកម្ម។

រដ្ឋាភិបាលបានប្រកាសប្រមូលមកវិញនូវម្សៅលាបខ្លួនទារកនិងកុមារចំនួន១២ម៉ាកដែលដាក់លក់ក្នុងប្រទេសកម្ពុជា បន្ទាប់ពីរកឃើញថាម្សៅទាំងនោះមានផ្ទុកសារធាតុអាបេស្តូស ដែលជាសារធាតុបង្កមហារីកហើយអាចបង្កគ្រោះថ្នាក់ធ្ងន់ធ្ងរដល់សុខភាពមនុស្ស។