ថ្លែងនៅក្នុង«ទិវាប្រយុទ្ធប្រឆាំងអំពើពុករលួយ៩ធ្នូឆ្នាំ២០២២» អ្នកវិភាគបញ្ហាសង្គម និង​អង្គការ​សង្គមស៊ីវិលនៅតែលើកបញ្ហាអំពើពុករលួយជាប្រធានបទចម្បងក្នុង​ប្រទេសដែល រដ្ឋាភិបាលគួរតែបន្ដប្រើយន្ដការបន្ថែមទៀតដើម្បីកាត់បន្ថយអំពើពុករលួយ ជាពិសេស​បញ្ហា​បក្ខពួកនិយម និងការសូកប៉ាន់ផ្សេងៗ មិនគួរកើតមាន។

ពលរដ្ឋជាង៣០០គ្រួសាររស់នៅស្រុកឈូកខេត្តកំពតស្នើឱ្យអាជ្ញាធរផ្ដល់ប្លង់កម្មសិទ្ធិដីធ្លីដែលពួកគេបានរស់នៅនិងអាស្រ័យផលជាង២០ឆ្នាំ ប៉ុន្តែត្រូវបានរងការយាយីពីសំណាក់​ក្រុមហ៊ុន​ឯកជនចាប់ពីឆ្នាំ២០២០ ខណៈឆ្នាំ២០២១ ពលរដ្ឋថាដីប្រមាណ ៥ ០០០ហិកតា​ត្រូវបានរដ្ឋ​កាត់​​ឱ្យក្រុមហ៊ុនឯកជនមួយដែលមានឈ្មោះកាឡាក់ស៊ីណាវ៉ាត្រា។

លោក យ៉ង សាំងកុមារ ត្រូវធ្វើការជាមួយកសិករ និងម្ចាស់រោងម៉ាស៊ីនកិនស្រូវដើម្បី​ជួយរក្សា​តម្លៃស្រូវលើទីផ្សារឱ្យមានស្ថិរភាពខណៈកសិករលើកឡើងថា ពួកគេធ្វើស្រែបាន​ត្រឹមតែម្ដង​ក្នុងមួយឆ្នាំដោយសារការចំណាយថវិកាច្រើនលើថ្លៃដើមផលិត។

របាយការណ៍ថ្មីមួយរបស់ធនាគារពិភពលោកបានឱ្យដឹងថា ខណៈដែលសេដ្ឋកិច្ចរបស់កម្ពុជាកំពុងងើបឡើងវិញក្រោយវិបត្តិកូវីដ-១៩ ការកើនឡើងនៃអតិផរណានៅតែបន្តជះឥទ្ធិពលដល់គ្រួសារក្រីក្របំផុតនៅប្រទេសកម្ពុជា ហើយភាពក្រីក្ររបស់ពួកគេគួរត្រូវបានកាត់បន្ថយតាមរយៈការពង្រីកកម្មវិធីជំនួយសាច់ប្រាក់ដោយផ្ទាល់ដែលកម្មវិធីនេះត្រូវបានផ្តួចផ្តើមនៅពេលដែលមានជំងឺរាតត្បាតសកល។