នាយករដ្ឋមន្ត្រីថៃ លោក អានុទីន ឆាន់វីរៈគុល បានបញ្ជាឱ្យផ្អាកការអនុវត្តកិច្ចព្រមព្រៀងសន្តិភាព និងអនុញ្ញាតឱ្យមានប្រតិបត្តិការយោធា បន្ទាប់ពីការសម្រេចចិត្តរបស់ក្រុមប្រឹក្សាសន្តិសុខជាតិ (NSC) នៅព្រឹកទី១១ ខែវិច្ឆិកា ដោយសារតែទាហានពីរនាក់របស់ពួកគេបានរងរបួសដោយសារការផ្ទុះមីនកាលពីថ្ងៃចន្ទ។
ក្រុមប្រឹក្សាបានពិភាក្សាអំពីការផ្អាកអនុវត្តសេចក្តីប្រកាសរួមជាមួយកម្ពុជា ដោយបញ្ឈប់ការដោះលែងទាហានកម្ពុជាចំនួន១៨នាក់ដែលត្រូវបានចាប់ខ្លួន ខណៈពេលដែលជំរុញឱ្យកម្ពុជាទទួលខុសត្រូវទាំងស្រុងចំពោះឧប្បត្តិហេតុនៃផ្ទុះមីន នេះបើយោងតាមប្រព័ន្ធផ្សព្វផ្សាយថៃនៅថ្ងៃអង្គារ។
ប្រព័ន្ធផ្សព្វផ្សាយថៃបានរាយការណ៍ថា រដ្ឋមន្ត្រីក្រសួងការពារជាតិ លោក Nattaphon Nakphanit បានលើកឡើងថា យោធាត្រូវបានផ្តល់ភ្លើងខៀវឱ្យគ្រប់គ្រងស្ថានភាពព្រំដែន ហើយថា «នឹងមិនមានកិច្ចចរចាទៀតទេ»។
អ្នកនាំពាក្យរដ្ឋាភិបាល លោក ប៉ែន បូណា បានបញ្ជាក់ថា កម្ពុជាមិនទាន់បានទទួលលិខិតផ្លូវការណាមួយពីរដ្ឋាភិបាលថៃទាក់ទងនឹងការផ្អាកកិច្ចព្រមព្រៀងសន្តិភាពនោះទេ។
លោកបានបន្ថែមថា កម្ពុជាបានចេញសេចក្តីថ្លែងការណ៍ពីររួចហើយ ដើម្បីឆ្លើយតបទៅនឹងការសម្រេចចិត្តរបស់ប្រទេសថៃ។
លោក ជុំ សុន្ទរី អ្នកនាំពាក្យក្រសួងការបរទេស មិនបានឆ្លើយតបទៅនឹងការសាកសួររបស់ប្រព័ន្ធផ្សព្វផ្សាយទេ ខណៈដែលអ្នកនាំពាក្យក្រសួងការពារជាតិ លោកស្រី ម៉ាលី សុជាតា បានផ្អែកទៅលើសេចក្តីថ្លែងការណ៍ដែលបានចេញហើយ។
ប្រែសម្រួលពីអត្ថបទភាសាអង់គ្លេស៖ Thai National Security Council Approves Suspension of Thai-Cambodian Joint Declaration
