សកម្ម​ជន​សហគមន៍​រងគ្រោះប្រមាណ​៩០០​នាក់ មាន​ទាំង​អ្នក​ធ្វើ​ការ​ក្នុង​វិស័យ​សេដ្ឋកិច្ច​ក្រៅ​ប្រព័ន្ធ និង​អ្នក​ផ្សេង​ទៀត​បាន​ប្រមូល​ផ្ដុំ​គ្នា​ក្នុង​ទីក្រុង​ភ្នំពេញ​កាលពី​ថ្ងៃ​ព្រហស្បតិ៍ ក្នុង​វេទិកា​សាធារណៈ​មួយ ​ដែល​​អ្នក​រៀប​ចំអះអាងថា ​ជា​ចេតនា​ក្នុង​ការ​បញ្ជូន​សារ​ទៅ​កាន់​ប្រមុខ​រដ្ឋាភិបាល​កម្ពុជា និង​មេដឹក​នាំ​ប្រទេស​អាស៊ាន​ផ្សេង​ទៀត មុន​កិច្ច​ប្រជុំ​កំពូល​នៅ​ទីក្រុង​ភ្នំពេញ​​ចាប់​ផ្ដើមនៅសប្តាហ៍ក្រោយ​។​

បុគ្គលិកដែលបម្រើការងារនៅព្រលានយន្តហោះអន្តរជាតិខេត្តសៀមរាប បានផ្ទុះការតវ៉ា​សា​ជា​ថ្មី ក្រោយពួកគេត្រូវបានបញ្ឈប់ពីការងារកំឡុង​ពេលរាតត្បាត​ជំងឺកូវីដ១៩​កាលពី​ឆ្នាំ​២០២០។ ពួកគេទាមទារឱ្យក្រុមហ៊ុនព្រលានយន្តហោះមួយនេះ ទទួលយកពួកគេឱ្យ​ចូល​ធ្វើ​ការវិញតាមការសន្យា ខណៈពួកគេឃើញក្រុមហ៊ុនប្រកាសរើសបុគ្គលិកថ្មី។

ស្ត្រីវ័យកណ្តាលម្នាក់ដែលមានសម្បុរស្រអែម ពាក់អាវពណ៌ផ្កាឈូកនិងស្លៀកសំពត់​ពណ៌​លឿង​បានត្អូញត្អែរពី​ផលប៉ះពាល់ផ្សេងៗលើដីស្រែគាត់ដែលកើតឡើង​ដោយសារតែ​ការ​ជីក​រណ្តៅជ្រៅៗដែលអាជ្ញាធរអះអាងថា នេះជាការស្តារបឹងសម្រាប់ប្រជាពលរដ្ឋប្រើប្រាស់ទឹក ប៉ុន្តែបែរជាប្រគល់​ឱ្យទៅ​ក្រុមហ៊ុនផលិតទឹកស្អាតទៅវិញ។

អាជីវករជួលសម្លៀកបំពាក់ប្រពៃណីនៅតំបន់អង្គរអះអាងថា ពួកគេចង់យកផលិតផលក្នុង​ស្រុក​ជួលឱ្យភ្ញៀវជាតិ និងអន្តរជាតិ ឱ្យស្គាល់ពីស្នាដៃខ្មែរ ប៉ុន្តែអ្វីដែលជាឧបសគ្គនោះ​គឺ​ផលិតផលក្នុងស្រុកថ្លៃខ្ពស់ពេក។​

គ្រូបង្រៀននិងសិស្សវិទ្យាល័យទួលប្រាសាទសែនសុខប្រហែល៦០នាក់ផ្ទុះការតវ៉ានៅក្លោងទ្វារ​សាលានៅព្រឹកថ្ងៃសុក្រ ក្រោយមន្ទីរអប់រំរាជធានីភ្នំពេញបានសម្រេចមិនដក​លោកនាយក​សាលា​ តាមសំណើរសុំដករបស់លោកគ្រូអ្នកគ្រូ និងសិស្សានុសិស្ស​មួយ​ចំនួន ខណៈ​ដែល​ពួក​គាត់យល់ថា ការសម្រេចនេះមិនបានផ្ដល់ភាពយុត្ដិធម៌​និង​មានភាពលម្អៀង​។

ពលរដ្ឋជាង២០០នាក់មកពីស្រុកមេមត់និងស្រុកតំបែរ ខេត្ដត្បូងឃ្មុំ បាននាំគ្នាទៅដាក់ញត្ដិ​នៅសាលាខេត្តត្បូងឃ្មុំនិងដាក់ពាក្យបណ្តឹងទៅសាលាឧទ្ធរណ៍ដើម្បីឱ្យជួយអន្ដរាគមន៍ពី​ជម្លោះដីធ្លីដែលអូស​បន្លាយអស់រយៈពេលជាច្រើនឆ្នាំជាហេតុធ្វើឱ្យជីវភាពពួកគាត់កាន់តែ​លំបាកខ្លាំងទៅៗ។

មន្ទីរបរិស្ថានខេត្តកណ្ដាល​បានសម្រេចផ្អាកដំណើរការបណ្ដោះអាសន្នលើរោងចក្រ កំពង់​កន្ទួត​ មេនូហ្វេកធីរីង​ (ខេមបូឌា)​ ខូ អិលធីឌី ជារោងចក្រផលិតក្រដាសរបស់ជនជាតិចិន ស្ថិត​នៅភូមិត្បូងក្ដី ឃុំបារគូ ស្រុកកណ្ដាលស្ទឹង ដែល​រក​ឃើញថា​បានបង្ហូរ​សារធាតុពុលចូល​ទឹក​ព្រែក​ដែលពលរដ្ឋកំពុងប្រើប្រាស់។ មន្ទីរបរិស្ថាន​ក៍បានពិន័យ​ជាទឹក​ប្រាក់​៦០លានរៀលកាល​ពី​ថ្ងៃ​ទី៧ ខែតុលា ឆ្នាំ២០២២។

ប្រភពចំណូលតែមួយគត់របស់ លោក ឈុំ ដឹម មានប្រហែល ៣០ ០០០ រៀល (៧.៥0 ដុល្លារ) ក្នុងមួយថ្ងៃ ដែល​បានមកពីការដឹកអ្នកដំណើរជុំវិញរាជធានីភ្នំពេញតាមរយៈ​រ៉ឺម៉ក​កង់បីរបស់គាត់។ អ្នក​រត់​រ៉ឺម៉ក​កង់​បី​អាយុ ៤២ឆ្នាំ ​មក​ពី​ខេត្ត​ស្វាយរៀងរូបនេះ ​បាន​និយាយ​ថាមុន​ជំងឺ​រាតត្បាតសកល ​លោក​រក​ចំណូល​បាន​ប្រហែល ២០ ទៅ ៣០ ដុល្លារ​ក្នុង​មួយ​ថ្ងៃ។ ឥឡូវនេះលោករកបានត្រឹមតែបង្គ្រប់ការ​ចំ​ណាយសម្រាប់អាហារ និងសាំង ប្រចាំថ្ងៃតែប៉ុណ្ណោះ។