លោកនាយករដ្ឋមន្ត្រី ហ៊ុន សែន បញ្ជាឱ្យសមត្ថកិច្ចបង្ក្រាបមេខ្លោងដែលបើកល្បែង​ស៊ី​សង​ខុសច្បាប់ រាប់តាំងពី​មេឆ្នោត មេឡូតូ​ និងបនល្បែងខុសច្បាប់ដទៃទៀត។ ការថ្លែងជា​សាធារណៈ​​បែបនេះធ្វើឡើងនៅព្រឹកថ្ងៃទី២៩ ខែកញ្ញា គឺរយៈពេលជាងមួយសប្ដាហ៍​បន្ទាប់​ពីលោក​បានដាក់ចេញប្រតិបត្តិការទ្រង់ទ្រាយធំក្នុងការបង្ក្រាបល្បែងស៊ីសង​នៅទូទាំង​ប្រទេស។

ប្រជានេសាទ អង្គការក្រៅរដ្ឋាភិបាល និងរដ្ឋាភិបាល លើកឡើងដូចគ្នាថាបរិមាណត្រី​ដែល​នេសាទ​បាននៅលើបឹងទន្លេសាបនៅតែមានតិចនៅឆ្នាំនេះ។ ​មន្ត្រី​រដ្ឋាភិបាល​ម្នាក់​និយាយ​ថាមូលហេតុ​ចម្បង​ គឺ​ដោយសារ​កំណើន​ប្រជាជន និង​ការ​នេសាទ​ខុស​ច្បាប់ ប៉ុន្តែអ្នក​ស្រាវ​ជ្រាវ និង​សមាជិក​សហគមន៍​លើកឡើងថាមូលហេតុចម្បង​គឺមកពី​កម្ពស់​ទឹក​មិន​ទៀងទាត់​ខ្លាំង​ដែល​បង្ក​ឡើង​ដោយ​ទំនប់​វារីអគ្គិសនី​នៅផ្នែកខាង​លើ។