កូដករណាហ្គាវើលដ៍នៅតែបន្តធ្វើកូដកម្មនៅថ្ងៃអង្គារនេះ ទោះបីសមត្ថកិច្ចរាជធានីភ្នំពេញ​បាន​ចាប់បង្ខំ​ពួកគេរុញចូលរថយន្តក្រុង ដឹកយកទៅ​ធ្វើចត្តាឡីស័កនិងធ្វើតេស្តរកវីរុសកូវីដ-១៩​នៅ​សមាគម​នារី​កម្ពុជា​ដើម្បី​អភិវឌ្ឍន៍​ ក្នុងខណ្ឌ​ព្រែក​​ព្នៅ រាជ​ធានី​ភ្នំ​ពេញ ដោយមិន​បាន​រក​ដំណោះស្រាយជូនពួកគេ។

នៅពេលសមាជិកសហជីពក្រុមហ៊ុនណាហ្គាវើលដ៍ព្យាយាមធ្វើកូដកម្មឡើងវិញកាលថ្ងៃចន្ទ ប៉ូលិសបានប្រើប្រាស់ហេតុផលសុខភាពសាធារណៈ ដើម្បីឃុំខ្លួនកូដករប្រមាណ ៦០នាក់ ដោយចាប់ខ្លួនពួកគេឡើងរថយន្តក្រុងមួយ និងនាំខ្លួនទៅកាន់មណ្ឌលចត្តាឡីស័កនៅជាយរាជធានីភ្នំពេញ។