ក្រុមប្រឹក្សាអាជ្ញាកណ្តាលកាលពីថ្ងៃសុក្របានបដិសេធមិនពិចារណាលើការទាមទាររបស់បុគ្គលិកណាហ្គាវើលដ៍ ដែលត្រូវបានបញ្ឈប់ពីការងារចំនួន៣៧៣នាក់ដែលបានព្យាយាមជំទាស់នឹងគម្រោងបញ្ឈប់បុគ្គលិកទ្រង់ទ្រាយធំរបស់ក្រុមហ៊ុនកាស៊ីណូនេះ។

ក្រុមអ្នកជំនាញសិទ្ធិមនុស្សអង្គការសហប្រជាជាតិបានរិះគន់អាជ្ញាធរកម្ពុជាជុំវិញការផ្តន្ទាទោសលោក រ៉ុង ឈុន មេដឹកនាំសហជីពឲ្យជាប់ពន្ធនាគារពីរឆ្នាំកាលពីសប្តាហ៍​មុនជុំវិញការអត្ថាធិប្បាយរបស់លោកអំពីការបោះបង្គោលព្រំដែន។ សកម្មជន​ពីររូប​ផ្សេងទៀតត្រូវបានផ្តន្ទាទោស២០ខែដោយសារធ្វើការតវ៉ាដោយសន្តិវិធីទាមទារឱ្យមានការដោះលែងលោក រ៉ុង ឈុន។

យុវជន​ជាង​៦០០​នាក់ ដែល​កំពុង​ព្យាបាល​សារធាតុញៀន​នៅ​មជ្ឈមណ្ឌល​ជីវិត​ថ្មី​ភ្នំបាក់​ខេត្ត​បន្ទាយ​មាន​ជ័យ ក្នុង​ស្រុក​សិរីសោភ័ណ បាន​តេស្ត​វិជ្ជមាន​កូវីដ-១៩ ចាប់តាំងពី​ថ្ងៃទី​១៦ ខែសីហា កន្លង​មក​។ ក្នុង​ចំណោម​នោះ មាន​សំណាក​ចំនួន​២០​របស់​អ្នក​វិជ្ជមាន​ ត្រូវ​បាន​វិទ្យាស្ថានប៉ាស្ទ័រ​ ក្នុង​រាជធានី​ភ្នំពេញ​បញ្ជាក់​ថាផ្ទុក​​វីរុស​កូវីដ-១៩ បំប្លែង​ថ្មីដែល (Delta)។​

មេដឹកនាំសហជីព​ លោក រ៉ុង ឈុន ត្រូវបានផ្តន្ទាទោសឲ្យជាប់​ពន្ធនាគាររយៈ​ពេល​២ឆ្នាំពីបទញុះញង់កាលពីថ្ងៃពុធ ចំពោះការអត្ថាធិប្បាយអំពីសហគមន៍មួយនៅ​តាម​បណ្តោយព្រំដែនវៀតណាម​បានបាត់បង់​ដីអំឡុងពេលដំណើរការបោះបង្គោល​ព្រំដែន​។ សកម្មជន សរ កន្និកា និង តុន និមល ត្រូវបានផ្តន្ទាទោស​ដាក់ពន្ធនាគារ​២០ខែពីបទញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ដោយសារតែ​ពួកគេបានអំពាវនាវជាសាធារណៈឲ្យមានការដោះលែងមេដឹកនាំសហជីពដែលកំពុងជាប់ពន្ធនាគារ។