ជម្លោះព្រំដែន

ពលរដ្ឋភៀសសឹកប្រមាណ​៣០ម៉ឺននាក់ ទទួលបានការអប់រំផ្សព្វផ្សាយការយល់ដឹងពីគ្រោះថ្នាក់ដោយសារយុទ្ធភណ្ឌគ្រឿងផ្ទុះ មុនពេលពួកគេវិលត្រឡប់ទៅកាន់លំនៅឋានវិញ។ នេះបើយោងតាមហ្វេសប៊ុកផេករបស់អាជ្ញាធរមីន។

យ៉ាងហោចណាស់ កងកម្លាំងកម្ពុជាចំនួនពីរនាក់បានរបួសធ្ងន់និងស្រាល ដោយសារផ្ទុះគ្រាប់ចេញពីគំនរសំរាម ខណៈកងកម្លាំងកម្ពុជាកំពុងរៀបចំសណ្តាប់ធ្នាប់ និងរបៀបរៀបរយ នៅមូលដ្ឋានឈរជើងរបស់ខ្លួនក្នុងដែនអធិបតេយ្យកម្ពុជា នៅវេលាម៉ោង ៧:២៧នាទីព្រឹក ថ្ងៃទី៦ ខែមករា ឆ្នាំ២០២៦ ក្នុងភូមិសាស្ត្រមុំបី ខេត្តព្រះវិហារ ហើយពួកគេត្រូវបញ្ជូនទៅព្យាបាលនៅមន្ទីរពេទ្យ។ អ្នកនាំពាក្យក្រសួងការពារជាតិ លោកស្រី ម៉ាលី សុជាតា បានលើកឡើង។  

ការ​ប៉ះ​ទង្គិច​ព្រំដែន​កម្ពុជា​ថៃ​បាន​បញ្ចប់​ហើយ ប៉ុន្តែ​ផលប៉ះពាល់​ដែល​​បន្សល់ទុ​ក​បាន​​ផ្តល់​នូវក្តីបារម្ភសម្រាប់កម្ពុជា។ បញ្ហាទាំងនេះបង្កឱ្យរដ្ឋាភិបាលចាប់ផ្តើមគិតគូរពីដំណោះស្រាយជាបណ្តើរៗ ប៉ុន្តែគេមិនទាន់ឃើញមានដំណោះស្រាយជាក់លាក់នៅឡើយទេ។​